Ég er Spurs-ari!

Nú loksins titill í höfn hjá því ensku-deildarfélagi sem ég hef haldið upp á frá árinu 1978-9. Þegar ég byrjaði að halda með því voru þar leikmenn á borð við Glen Hoodle, Steve Archibald og Argentínumennina Villa og Ardiles sem þá voru nýkrýndir heimsmeistarar. Einnig kom til liðs við liðið Ray Clemence markvörður. 

Einnig gat ég ekki verið þekktur fyrir það að halda með sama liði og Kjartan Björns sem óspart hvatti alla í Gagnfræðaskólanum á Selfossi til að gerast fylgismenn og - konur Arsenals. Nei ekki gat ég hugsað mér það. Hinsvegar var mikið Liverpool-æði meðal skólafélaga minna, nokkrir héldu með Everton, til voru Notthingham Forest fylgendur og einn skólafélagi minn hélt með Aston Villa.

Já, eitthvað hefur verið lítið um nýja bikara í verðlaunaskáp Tottenham undanfarin ár.  Nú verður vonandi breyting þar á.  Er að byrja nýtt gullaldarskeið hjá þessu Lundúnafélagi?

Tottenham deildabikarmeistari í fjórða sinn

Góð niðurstaða

Mjög skynsamlegt - enda hefur Vilhjálmur ekkert gert af sér annað en að staðfesta góðra manna ráð og búa til marga milljarða úr engu -  með því að fá öfluga fjárfesta til að leggja nafn sitt undir REI ef ég skil þetta flókna mál rétt.

Hann verður borgarstjóri að ári vona ég enda sé ég engan foringja í sexmenningahópnum. Sá vandi var ekki fyrir hendi árin 1978 til 1982. Þá valdi íhaldið mann til forystu sem ekkert gerði annað en gagnrýna vinstri-meirihlutann fyrir að skipuleggja byggð á meintu sprungusvæði við Rauðavatn þar sem nú er Mogginn.  

Mjög sennilegt er að V og S nái hreinum meirihluta árið 2010. Þá loksins mun þessum farsa ljúka. 

Ákvörðun síðar um borgarstjóra

Niðurstaðan ljós

Ég hlustaði með mikilli athygli á lögin átta í kvöld.  Ekkert þeirra skaraði fram úr. Lögin voru hinsvegar ekki léleg. Þetta var bara ágætt. Sjónvarpið á heiður skilið fyrir glæsta umgjörð.

Lagið sem vann mun ekki skara fram úr í Belgrad. Hinsvegar eru þau Örlygur Smári, Regína Ósk og Friðrik Ómar vel að þessum sigri komin.  Gangi þeim vel með áframhaldið.

Eurobandið fer til Serbíu

Skemmtiefni!

Ég verð að viðurkenna að ég skemmti mér ágætlega við að lesa pistil Össurar um Gísla Martein.  En nota bene sem skemmtiefni - ekki sem stjórnmálaskýringu.

Nú reynir á yfirvegun Gísla Marteins.  Ef ég væri hann myndi ég ekki gefa út komment á pistilinn. 

Eflaust mun brátt einhver góður hægrisinnaður stílisti taka að sér að ausa ofurlítið yfir Össur. Ég hlakka til. Össur eflaust líka!

Og þá er bara að bíða þar til klukkan slær tvö í nótt!

Pistill Össurar ræddur á þingflokksfundi

Játning!

Fyrir tæpum 20 árum spilaði ég póker upp á pening.  Þetta voru reyndar ekki háar upphæðir. Einungis tíkallar voru leyfileg mynt. Ég spilaði í hópi með Gumma bróður, Gumma Skúla, Svenna, Stulla og Davíði Oddssyni og hafði ég ekki hugmynd um að þetta væri bannað.  Ég held að ég hafi hvorki tapað né unnið.

Ég sé afskaplega mikið eftir þessu. Vonandi er málið fyrnt.

Við hjónin eigum box með pókerspilapeningum úr plasti. Lögin ná vonandi ekki yfir þá. Við höfum reyndar aldrei tíma til að spila.

Tvískinnungur að aðrar reglur gildi um póker

Negri

Las mér til m ikillar ánægju um daginn öndvegisritið "Tíu litlir negrastrákar" fyrir son minn.

Hvað er að orðinu negri? Mér þætti gaman að fá útleggingu málfræðings. Góður kunningi minn í Osló Árni Torp, fyrrum fjósamaður í Litlu-Sandvík en núna prófessor í málvísindum við Oslóarháskóla tók þátt í miklum umræðum fyrir nokkrum árum í norsku sjónvarpi. Þar vildu ýmsir nota allt önnur orð um hörundsdökkt fólk en negra. Negri en hinsvegar afskaplega fínt orð. 

Hvað er strákurinn eiginlega gamall?

Á vef lögreglunnar segir:

Á föstudag fékk lögregla tilkynningu um að á Stokkseyri væri á ferð um götur ungur drengur á fjórhjóli og hefði legið við slysi af akstri hans.  Við nánari athugun kom í ljós að þarna hafði verið á ferð 13 ára drengur.  Foreldrum drengsins var gerð grein fyrir þeim reglum sem gilda um réttindi og akstur fjórjóla.  Drengurinn er ósakhæfur og verður því ekki gerð refsing fyrir brotið en mál hans verður sent barnaverndaryfirvöldum til meðhöndlunar. 

Hinir virtu vefmiðlar visir.is og mbl.is hljóta að vita betur en lögreglan og segja piltinn 10 ára.  En fyrri athugasemdir við þessa frétt benda reyndar til annars - að hann sé 13 ára.  Visir.is birtir mynd frá Eyrarbakka en mbl.is birtir mynd af stóru fjórhjóli til að komast frá þeirri skömm að birta mynd af "vitlausu" þorpi!

10 ára drengur á fjórhjóli

Þeir á Vísir.is kunna ekki muninn á Stokkseyri og Eyrarbakka

 Þessi frétt er  á visir.is.

Vísir, 18. feb. 2008 11:17

Tíu ára á fjórhjóli á götum Stokkseyrar

Frá Stokkseyri. MYND/365

Lögreglan á Selfossi hafði afskipti af óvenju ungum ökumanni á Stokkseyri á föstudag en þar fór hann um göturnar á fjórhjóli.

Vegfarendur tilkynntu um að legið hefði við slysi af akstri hans. Við nánari athugun kom í ljós að þarna hafði verið á ferð 10 ára drengur. Foreldrum drengsins var gerð grein fyrir þeim reglum sem gilda um réttindi og akstur fjórjóla.

Drengurinn er ósakhæfur og verður því ekki gerð refsing fyrir brotið en mál hans verður sent barnaverndaryfirvöldum.

Eins og allir eiga að veta þá er ljósmyndin sem fylgir fréttinni frá Eyrarbakka. Nú  veit ég ekki hvort fréttin eigi við um textann eða um myndina.  Hvort krakkinn var á ferð hjá Stígshúsi á Eyrarbakka eða á Stokkseyri.

Viðbót kl. 18.40: Um kl. 16,30 var skipt um mynd á fréttinni hjá visir.is. Í stað ljósmyndar frá Eyrarbakka sem sýndi Stíghús og SKjaldbreið ásamt hinni einu og sönnu Götu á Eyrarbakka var komin nærmynd án bakgrunns af lögreglubifreið. Því miður hafði ég ekki haft vit á því að ýta á Print Screen takkann á tölvunni til að varðveita þessi skemmtilegu mistök ágætra blaðamanna visir.is kv. Lýður

Sagan endurtekur sig

Ég skil ekkert í þessu havaríi yfir Vilhjálmi Þorn.  Hann hefur áratugareynslu í pólitík og var í heil tólf ár formaður Sambands ísl sveitarfélaga sem sýnir hversu mikils trausts hann nýtur meðal  sveitastjórnarmanna.  Hann átti fyllilega skilið að verða borgarstjóri 2006 og stóð sig alla tíð afskaplega vel í því starfi. Og hann kemur vonandi aftur.

það sem er að fara með glæstan stjórnmálaferil Vilhjálms er að mínu mati hið mikla offors og ákafi viðskiptajöfra að komast í samstarf við OR-gullkálfinn.   Sömuleiðis hafa íslenskir fjölmiðlar þá áráttu að leggja einstaklinga í einelti  og herja á einstaklinga sem gefa á sér höggstað og standa í varnarbaráttu á fleiri en einum stað.  Að blanda saman opinberum rekstri og einkarekstri getur verið vandasamt og greinilegt að ýmsir stóðu beggja megin samningaborðsins í haust - en ekki þó Villi - en vinir hans ýmsir og nánir samstarfsmenn því miður.

Eru allir búnir að gleyma afsögn Guðmundar Árna Stefánssonar um 1990? Herferð fjölmiðla sem undir öruggri bakstjórn formanns flokks sem ekki er lengur til réðust af miklu oforsi að Guðmundi Árna Stefánssyni ráðherra? Vegna mála sem komu hans ferli í ráðherrastól ekkert við?  Þá var sömu aðferðum beitt,  fjaðrir urðu að hænum og svo framvegis, efnisatriði meintra spillingaratriða endurtekin og endurtekin, GÁS sagður í pólitískri veikri stöðu og að lokum sagði Guðmundur Árni af sér.  Stöð 2 gekk harðast í orrahríðinni gegn ráðherranum, ráðherrann í óvægnum yfirheyrslum og Jón Baldvin tónaði undir á milli.  Mágur Guðmundar Árna, Heimir Karlsson,  hætti störfum á Stöð 2 í kjölfarið. Sagði upp.  Nú um þessar mundir ganga fjölmiðlar með bláa ríkisfjölmiðilinn í farabroddi  hart gagnvart Vilhjálmi þannig að félagar hans í borgarstjórninni neyðast til að ganga út um bakdyr og láta sem Villi sé einn í heiminum.  Og ein skeleggasta fjölmiðlakona landsins, dóttir Vilhjálms, segir upp í Kastljósi. Sagan endurtekur sig. 

Ef ég er orðinn á þreyttur á einhverju ástandi þá er það hið lága plan íslenskra fjölmiðla. Að gera mistök í hólmgöngu getur þýtt dauða.  Að mismæla sig í Kastljósi getur líka þýtt endalok stjórnmálaferils.  Einhvernveginn finnst mér aukaatriðin vera orðin að aðalatriðum í þessum höfuðborgarstjórnarfarsa. Aðalatriðið er það að engin stjórnmálahreyfing fékk hreinan meirihluta í borgarstjórnarkosningunum 2006.  Sömuleiðis árið 1978 fékk engin stjórnmálahreyfing hreinan meirihluta í borgarstjórnarkosningunum.   Í hönd fóru fjögur glundroðaár - eins og þessi fjögur ár eiga eftir að verða  allt til vorsins 2010. Sagan endurtekur sig.

Undir Vilhjálmi komið hver verður næsti borgarstjóri

Ég er dottinn í Google-Earth!

Alveg ótrúlegur tími sem fer hjá mér um þessar mundir í allskonar landafræðipælingar með hjálp Google-earth.  Eftir þáttinn 60 mínútur í gærkvöldi skoðaði ég Dubaí á GoogleEarth.  Svona líta herlegheitin þar út. Þar byggja menn heilu hverfin út í sjó, líkön af alheimi og pálmatré - tvö frekar en eitt. Annað pálmatréð í eigu Donalds Trump.  Og á þessum tilbúnu eyjum er búið eða verið að reisa íbúðarhús fyrir ríkt fólk sem ekki veit aura sinna tal.