Þeir á Vísir.is kunna ekki muninn á Stokkseyri og Eyrarbakka

 Þessi frétt er  á visir.is.

Vísir, 18. feb. 2008 11:17

Tíu ára á fjórhjóli á götum Stokkseyrar

Frá Stokkseyri. MYND/365

Lögreglan á Selfossi hafði afskipti af óvenju ungum ökumanni á Stokkseyri á föstudag en þar fór hann um göturnar á fjórhjóli.

Vegfarendur tilkynntu um að legið hefði við slysi af akstri hans. Við nánari athugun kom í ljós að þarna hafði verið á ferð 10 ára drengur. Foreldrum drengsins var gerð grein fyrir þeim reglum sem gilda um réttindi og akstur fjórjóla.

Drengurinn er ósakhæfur og verður því ekki gerð refsing fyrir brotið en mál hans verður sent barnaverndaryfirvöldum.

Eins og allir eiga að veta þá er ljósmyndin sem fylgir fréttinni frá Eyrarbakka. Nú  veit ég ekki hvort fréttin eigi við um textann eða um myndina.  Hvort krakkinn var á ferð hjá Stígshúsi á Eyrarbakka eða á Stokkseyri.

Viðbót kl. 18.40: Um kl. 16,30 var skipt um mynd á fréttinni hjá visir.is. Í stað ljósmyndar frá Eyrarbakka sem sýndi Stíghús og SKjaldbreið ásamt hinni einu og sönnu Götu á Eyrarbakka var komin nærmynd án bakgrunns af lögreglubifreið. Því miður hafði ég ekki haft vit á því að ýta á Print Screen takkann á tölvunni til að varðveita þessi skemmtilegu mistök ágætra blaðamanna visir.is kv. Lýður

Athugasemdir

[Óðinn af Eyrarbakka, 18.2.2008 kl. 12:51]

Tíu ára á fjórhjóli á Stokkseyrarbakka! Ef hjólin hefðu verið þrjú, þá hefði hann líklega sloppið.

[Lýður Pálsson, 18.2.2008 kl. 17:06]

Haha! Og nú hafa þeir á visir.is skipt um mynd - hér er komin mynd af lögreglubíl í stað götumyndar frá Eyrarbakka! Hvað næst?