Loksins góð tíðindi frá Lundúnum

Mínir menn komnir á beinu brautina. Gott að þeim hjá Spurs tókst að losa sig við útlenda þjálfarann.

Tottenham sló Liverpool út úr deildabikarnum

Furðuleg afsögn

Mitt í allri fjármálakreppunni þar sem ýmsir virðast hafa gert milljarða mistök í efnahagsstjórn og eftirlitsstörfum segir alþingismaðurinn Bjarni Harðarson af sér!  Þá mættu fleiri hausar fjúka ef ein Cc: mistök eru einu orsök afsagnar Bjarna.  Gott hinsvegar fyrir sunnlenskt fræðastarf og nú fer væntanlega bóksalinn, blaðamaðurinn, álfatröllaogdraugasagnamaðurinn Bjarni á stjá. En hvaða draugur skyldi hafa verið að fikta í tölvu Bjarna? 

Bjarni segir af sér

Fjölmiðlafár vísvitandi?

Nú fær ríkisstjórn Geir H. Haarde vinnufrið í nokkra daga! En skyldi Bjarni nokkuð hafa gert þetta óvart? Sá Bjarni sem ég þekki svo vel kann vel að nota tölvur og að mínu mati þarf mikla lagni til að geta ruglast á að senda aðstoðamanni  eða tug fjölmiðla.

Í bréfi flokksbræðranna koma engin ný tíðindi.  Allir vita að innan Framsóknarflokksins eru mjög skiptar skoðanir um Evrópumálin og verið hart deilt um þau í nokkur ár. Þetta bréf hefði hvort sem er orðið opinbert.  Þetta er eiginlega ekkifrétt. 

Áframsendi gagnrýni á Valgerði

Myntsafnarar - haldið vöku ykkar!

Skyldi Freyr eiga eintak af þessum flotta seðli?

Notaði seðil með mynd af Davíð

Tapaðir vextir?

Ef ég les fréttina rétt þá virðist sveitarfélagið hafa tapað vöxtunum af því að geyma féð í peningabréfum Landsbankans.  Þessi umræða er því stormur í vatnsglasi. 

Árborg tapar 110 milljónum króna

Vanhugsað viðtal?

Þetta viðtal Heilagrar Agnesar við aðaleiganda Morgunblaðsins virðist virka sem olía á eldinn ef eitthvað er að marka hinar fjölmörgu bloggfærslur hér á undan. 

Krónan stærsta vandamálið

Það snjóar

Í dag snjóar á réttláta sem rangláta, fátæka sem ríka. Hlutafjáreigendur sem skuldaeigendur. 

Rannsóknin hefur forgang

Er gamli skólinn minn að verða að stórveldi í íslenskum körfuknattleik?

Það eru 22 ár síðan ég lauk námi við Fjölbrautaskóla Suðurlands á Selfossi.  Þá var jú lítillega stundaður körfubolti við skólann og man ég eftir að skólafélagi minn Sveinn Helgason  - sem er ekkert sérstaklega hávaxinn eða minni en 184,5 sm - var í fararbroddi þeirra sem stunduðu körfubolta á Selfossi í þá tíð. 

það kemur mér því reglulega á óvart að nú skuli skólinn minn gamli og góði reka heilt körfuboltalið í úrvalsdeild Íslandsmótsins í þessari grein. Og þeir leggja eitt stórliðið af Suðurnesjum af velli í sínum fyrsta leik!  Vel af sér vikið Örlygur!

Stórsigur FSu gegn Njarðvík

Mótsagnir

Við eigum semsagt von á aðstoð alþjóðasamfélagsins og einnig að borga allar skuldir sem útrásarhetjurnar stofnuðu til.  Af hverju fékk þjóðin ekki að kjósa um EES samninginn á sínum tíma?

Ísland standi við alþjóðlegar skuldbindingar

Þegar Eyjólfur glímdi við blámanninn

Hér í Flóanum er allkunn sagan um hann Eyjólf sem fæddur var á 18. öld einhversstaðar í Stokkseyrarhreppi hinum forna og var heljarmenni að burðum og sterkur mjög. Hann reisti við stóra hraunhellu sem sést enn við Eyrarbakkaveg  og er ekkert langt frá Litla-Hrauni. Eitt vorið kom kaupmaður einn með blámann með sér.  Hann var líka heljarmenni.  Kaupmaður skoraði á  bændurna og sjómennina að leggja blámanninn. Enginn þorði nema Eyjólfur þessi. Svo fór að Eyjólfur vann.  Ég las þessa frásögn í bók eftir dr. Guðna Jónsson og gefur hann það í skyn að einn af afkomendum Eyjólfs hafi verið barnabarnið Halldóra Guðmundsdóttir húsfreyja í Litlu-Sandvík kona Brynjólfs Björnssonar vefara og langalangalangalangai og -amma mín. 

Nú þegar ég blogga þessa færslu þá hef ég ekki bók Guðna við hendina og ekki hef ég enn fengið það staðfest t.d. í Íslendingabók.is hvort það geti verið að ég sé útaf Eyjólfi þessum kominn þar sem islendingabok.is getur ekki um framættir Halldóru í Litlu-Sandvík.  Etv. er einhver ónákvæmni í þessum texta mínum og mun ég gjarnan leiðrétta ef villur koma í ljós. Og að sjálfsögðu tek ég öllum upplýsingum fengins hendi.

Síðustu sjónvarpskappræðurnar