Þegar Eyjólfur glímdi við blámanninn

Hér í Flóanum er allkunn sagan um hann Eyjólf sem fæddur var á 18. öld einhversstaðar í Stokkseyrarhreppi hinum forna og var heljarmenni að burðum og sterkur mjög. Hann reisti við stóra hraunhellu sem sést enn við Eyrarbakkaveg  og er ekkert langt frá Litla-Hrauni. Eitt vorið kom kaupmaður einn með blámann með sér.  Hann var líka heljarmenni.  Kaupmaður skoraði á  bændurna og sjómennina að leggja blámanninn. Enginn þorði nema Eyjólfur þessi. Svo fór að Eyjólfur vann.  Ég las þessa frásögn í bók eftir dr. Guðna Jónsson og gefur hann það í skyn að einn af afkomendum Eyjólfs hafi verið barnabarnið Halldóra Guðmundsdóttir húsfreyja í Litlu-Sandvík kona Brynjólfs Björnssonar vefara og langalangalangalangai og -amma mín. 

Nú þegar ég blogga þessa færslu þá hef ég ekki bók Guðna við hendina og ekki hef ég enn fengið það staðfest t.d. í Íslendingabók.is hvort það geti verið að ég sé útaf Eyjólfi þessum kominn þar sem islendingabok.is getur ekki um framættir Halldóru í Litlu-Sandvík.  Etv. er einhver ónákvæmni í þessum texta mínum og mun ég gjarnan leiðrétta ef villur koma í ljós. Og að sjálfsögðu tek ég öllum upplýsingum fengins hendi.

Síðustu sjónvarpskappræðurnar

Athugasemdir

[Eiríkur Harðarson, 16.10.2008 kl. 01:36]

Ertu nokkuð að vitna í efnahagsklúðrið hér heima, þar sem sumum skýrslum var óviljandi af ásentningi stungið á milli þylja.

[Lýður Pálsson, 16.10.2008 kl. 09:26]

Dr. Guðni vitnaði í frumheimild eftir Brynjúlf á Minna-Núpi sem finna má í ritinu Huld I, bls. 45-46.) Þar er frásögnin nákvæmari en hjá mér.

[Sigga systir (IP-tala skráð) 17.10.2008 kl. 08:43]

Halldóra er foreldralaus í Íslendingabók. 

[Lýður Pálsson, 17.10.2008 kl. 08:46]

Nákvæmlega. Eigum við ekki bara treysta fræðum Brynjúlfs á Minna-Núpi og dr. Guðna?

[Sigga systir (IP-tala skráð) 17.10.2008 kl. 09:04]

Jú, þetta eru sjálfsagt jafngóðar heimildir og Íslendingabók.