Fjölmiðlafár vísvitandi?

Nú fær ríkisstjórn Geir H. Haarde vinnufrið í nokkra daga! En skyldi Bjarni nokkuð hafa gert þetta óvart? Sá Bjarni sem ég þekki svo vel kann vel að nota tölvur og að mínu mati þarf mikla lagni til að geta ruglast á að senda aðstoðamanni  eða tug fjölmiðla.

Í bréfi flokksbræðranna koma engin ný tíðindi.  Allir vita að innan Framsóknarflokksins eru mjög skiptar skoðanir um Evrópumálin og verið hart deilt um þau í nokkur ár. Þetta bréf hefði hvort sem er orðið opinbert.  Þetta er eiginlega ekkifrétt. 

Áframsendi gagnrýni á Valgerði

Athugasemdir

[Björn Birgisson, 11.11.2008 kl. 01:26]

Hægfara slátrun innanfrá

Einhverju sinni átti Framsókn erindi inní Íslenskt þjóðlíf. Þeir tímar eru löngu liðnir. Sveitafólkið hefur jafn mikla skömm á flokknum og smáborgararnir í 101. Þessi samskipti Bjarna Harðarsonar, um nafnlausan millilið, sýna best kærleikinn í miðjumoðinu. Dauðinn tekur á sig ýmsar birtingarmyndir. Hér hefur Bjarni Harðarson tekið sig af lífi pólitískt innan eigin flokks. Einnig framlengt sláturtíðina á þessu hausti, með hægfara og sársaukafullri slátrun innanfrá á eigin flokki. Blóm og kransar afþakkaðir, en þeim, sem vildu minnast gengins miðjumoðs, er bent á að styrkja íslenska bændur í viðleitni þeirra til að fæða þjóðina.

[Alma Jenny Guðmundsdóttir, 11.11.2008 kl. 01:44]

Hvað með siðferðisþáttinn í þessu máli?

Tilgangur þess að ráða aðstoðarmenn þingmanna, var m.a. að efla lýðræðið, aðstoðarmaður yrði m.a. hlekkur á milli almennings og þingmanns.

Hvernig líður aðstoðarmanni þingmanns, sem þarf að taka þátt í svo smáu athæfi sem þessu?

Eigum við almenningur að greiða laun aðstoðarmanna, sem svo eru notaðir til innanbúðardeila og verka sem siðferðilega eru röng?

Bjarni sem persóna er mjög ágætur - en siðferðilega hefur hann ekki leyfi okkar skattborgara til þess að nota aðstoðarmann á þennan hátt.

Þá hefði maður haldið að þingmenn þessa lands ættu að hafa nóg að gera við t.a.m. að ræða beint við almenning um hver staða hans sé, hversu réttlátt sé að borgurum þessa lands sé svo gróflega mismunað að sumir fái 220.000 í atvinnuleysisbætur á meðan aðrir sem voru í 100% starfi einnig, fá 158.000

Mér finnst skrýtið að þér finnist slík vinnubrögð sæma alþingismanni og að þetta væru þá ásættanleg vinnubrögð hinna 62 þingmannanna. 

[Gunnar Th. Gunnarsson, 11.11.2008 kl. 02:07]

Þetta snýst ekki um innihald bréfsins

[Lýður Pálsson, 11.11.2008 kl. 02:25]

Nei Alma Jenný. Það er ekki siðferðilega rétt að ráða aðstoðamenn til að sinna verkefnum af þessu tagi. Hef ekki kynnt mér hvernig störfum þeirra er háttað. Þekki bæði Bjarna og aðstoðarmanninn af góðu einu. Í sporum Bjarna hefði ég nú bara sent bréf Skagfirðinganna án aðstoðarmanns beint á fjölmiðlana. - Víða ríkir misréttið í þjóðfélaginu og oft erfitt að ná eyrum ráðamanna. Hvernig atvinnuleysisbótum er skipt er ofvaxið mínum skilningi.

[Lýður Pálsson, 11.11.2008 kl. 02:30]

Já Gunnar, snýst um aðstoðarmenn, kunnáttuleysi í sendingu tölvupósts, undarlegar leiðir til að koma efni til fjölmiðla og ekki síst deilur um Evrópumál.  Og að sjálfsögðu sá sem syndlaus er kasti fyrsta steininum ofrv.

[Lýður Pálsson, 11.11.2008 kl. 02:31]

meint kunnáttuleysi í sendingu tölvupósts

[Gunnar Hrafn Jónsson (IP-tala skráð) 11.11.2008 kl. 02:38]

Viðbrögð Bjarna við símtali fréttastofu báru ekki með sér vott af tilgerð, svo mikið get ég sagt.

[Lýður Pálsson, 11.11.2008 kl. 02:45]

Heyrði ekki viðtalið. En við skulum sjá til hvort miðstjórnarfundur Framsóknar nái ekki meiri athygli fyrir vikið.  Amk hafa margir áhuga á þessu Bjarnamáli.

[Eiríkur Harðarson, 11.11.2008 kl. 03:29]

Þetta er trúlega gert til að beina kastljósinu frá hinni getuleysislegu ríkisstjórn.

[Lýður Pálsson, 11.11.2008 kl. 07:38]

Ja, Eiríkur, var það ætlun Bjarna? Nei.  Fjölmiðlarnir sem gátu um þetta mál eru ýmist í eigu aðal útrásarvíkingsins eða RUV sem stýrt af ríkisstjórn Íslands. Það skýrir þennan mikla áhuga þeirra á að tæta Bjarna niður. Fréttastofa ríkisins hefur haft mikinn áhuga á að uppræta Framsóknarflokkinn frá því að fréttastjóramálið kom upp. Einn maður innan RUV er þó í nauðvörn, það er maðurinn sem beinlínis kom Bjarna á þing, Egill Helgason að nafni.