Err eða ekki err?

Nú er ég í vandræðum.  Það er orðið "heimildarmynd" eða heimildamynd".  Er err eða er ekki err? Það er stóra spurningin.

Á heimasíðu Kvikmyndamiðstöðvar Íslands titlar Laufey frænka Pál Baldvin sem ráðgjafa heimildamynda - ekki með erri.

Í Mogganum er talað um heimildarmynd með erri í ritdómi eftir Snæbjörn Valdimarsson gagnrýnanda. 

Í íslenskri orðabók er talað um heimildarkvikmynd og heimildarmann með erri.

Ef slegið er inn orðið heimildamynd err-laust á leit.is koma fram 2.261 niðurstöður en þegar á sömu slóð er slegið inn orðið heimildarmynd með erri koma fram 6.622 niðurstöður.

Ég leitaði eftir ráðleggingum Ásmundar Sverris míns gamla íslenskukennara, sem reyndar vill núna gefa íslenska stafsetningu frjálsa! Hann segir að úr því ég sé að fara nota orðið í opinberru plaggi skuli ég þessvegna stafa þetta títtnefnda orð með erri - sem er málvenjan. 

Heimildarmynd verður það heillin mín! Þar hafið þið það kæru lesendur!

Athugasemdir

[Sóley Tómasdóttir (IP-tala skráð) 30.8.2007 kl. 15:41]

Já, þetta er flókið líf. Lenti í svipuðu þegar ég ritstýrði ásamt fleirum fæðingarsögum íslenskra kvenna. Þá var okkur ráðlagt að hafa fyrri hlutann í eintölu, þrátt fyrir að um margar fæðingar gæti verið að ræða. Veit ekki hvort einhver regla segir til um þetta, en við tókum ráðleggingunni fagnandi og fórum eftir henni.