Allt í sómanum í Árborg

Í gær fór ég bæði í sund og til rakara.  Í sund til að liðka mínar fætur og til rakarans til að snyrta minn haus.

Ekkert markvert bar til frásagnar í lauginni sem fréttnæmt þætti amk hvað varðar fréttina sem bloggað er um.

Á Rakarastofu Árborgar í Miðgarði var hinsvegar mikið rætt um þetta mál alltsaman og í því sambandi má þess geta að á stofunni voru einungis karlmenn sem tóku þátt í misjafnlega rismiklum umræðum um Svíann í sundlauginni í Laugarskarði. 

Eldri rakarasonurinn sagði frá óförum sínum er hann skrapp í sauna eitt sinn í útlöndum og allt í einu fylltist saunaklefinn af nöktum konum.  Og þetta var ekki kvennatími bætti hann við. Að endingu hrökklaðist hann úr klefanum enda hann sá eini sem var í sundfötum og stakk því skynjanlega í stúf við aðra gufubaðsiðkendur þar.

Og Lalli, sem beið eftir hárklippingu eins og ég, sagði frá mjólkurbílstjóra einum sem í rigningu einn dag tók erlendan kvenkyns puttafarþega á leið sinni um blómlegar sveitir Suðurlands. Og stúlkan tók allt í einu upp á því að þurrka fötin sín enda rennandi vot og varð því skjótt ber að ofan. Og hvað gerði Kiddi við þá óvæntu uppákomu? Jú, hann ók mjólkurbílnum hraðar.

Bannað að bera brjóstin í Hveró

Athugasemdir

[Eiríkur Harðarson, 19.3.2008 kl. 23:40]

Af hverju stoppaði hann ekki bílinn og ók útí kant eða eitthvað svipað?

[Lýður Pálsson, 20.3.2008 kl. 00:27]

Hef ekki hugmynd!

[Sædís Ósk Harðardóttir, 22.3.2008 kl. 12:20]

Humm Eiríkur alltaf sami hugsunarhátturinn hjá þér og hvað átti hann að gera úti í kanti

[Arafat í sparifötunum, 22.3.2008 kl. 16:37]

Alltaf stuð í sundi í Hveragerði, tekur því ekki að fara í sund á selfossi, alveg eins gott að synda í fiskabúri.

Gleðilega páska

[Óðinn af Eyrarbakka, 25.3.2008 kl. 23:02]

Ja hérna hér! mikið svakalega eru Íslendingar eða öllu heldur Hvergerðingar orðnir amerikanseraðir og múslimskir. Að banna konum að synda bb. Manni bara svelgist á yfir þessum brjóstumkennanlega baðverði þarna í Hveragerði sem kúgaði þessa konu í klæði.

Ég gæti nú sagt ykkur frá því hversu frjálslega finnar klæða sig til sunds eða baðferða og skiptir þá ekki máli hvort það sé utan eða innan dyra. En þá yrði þessi síða hérna líklega bönnuð. Ég get þó fullyrt að þar ríkir algjört jafnræði kynjana í þessum efnum.