Vatnsdeigsbollur fyrir bolludaginn

Það hefur ekki verið mín sterkasta hlið að baka. Eina uppskrift kann ég þó utan að. Það er uppskrift að vatnsdeigsbollum sem ég baka án undantekningar helgina fyrir bolludag ár hvert, gjarnan þrefalda uppskrift.  Hér kemur uppskriftin.

60 gr. smjörlíki 2,5 dl. vatn Ögn af salti 120 gr. hveiti 2 egg Smjörlíki, vatn og salt sett í pott, hrært og soðið. Hveitinu hrært út í. Þá er degið kælt þar til það er orðið kalt (ekki volgt). Best er að setja pottinn með deginu í fullan vask af köldu vatni. Þegar degið er orðið kalt er það sett í hrærivél og tveimur eggjum bætt í, einu í einu á ca. 2 mín millibili. Deigið í vatnsdeigsbollurnar er þá tilbúið og hentar ágætlega í átta stórar bollur eða 16 litlar eftir smekk. Bollurnar útbúnar og settar á ofnplötu og bakað í ofni við 225 gráður í 20-25 mín. Verði ykkur svo að góðu.

Athugasemdir

[Greta Björg Úlfsdóttir, 15.2.2007 kl. 17:14]

...+ rjómi og smá sulta inní og súkkulaðiglasúr oná=namminamm...