Niðurstaðan stormur í vatnsglasi?

Nú hafa ráðamenn þjóðarinnar og helstu peningamennirnir fundað stíft og niðurstaðan komin í ljós: Staðan er ekki eins slæm og í fyrstu var talið. 

En nú bíð ég spenntur eftir gengisskráningunni á morgun.  Hvað gerist næst?  Fer krónan að styrkjast aftur? Gengur krónan til baka? Fellur allt í sama fína gengið og fyrir 12 mánuðum þegar krónan var mjög sterk og stöðug? Eða heldur krónan áfram að falla eftir lögmáli Newtons?

Annars hef ég engar áhyggjur.  Á fjögurra ára fresti veljum við 63 einstaklinga sem eiga að hafa áhyggjur fyrir okkar hönd! Mér fannst Egill Helgason í Silfrinu góður í dag þegar hann hvessti augum á Ágúst Ólaf og Pjetur Blöndal og spurði mjög ákveðið hvort þeir bæru ekki ábyrgð á stöðunni.

Ekki þörf á aðgerðapakka

Athugasemdir

[Eiríkur Harðarson, 6.10.2008 kl. 01:13]

Meira fannst mér varið í útlistun Jónínu Ben á ástandinu, þöggunin er slík að ekki má virða hana viðlits. þó var fínn hluti hans þáttar þegar hann spurði þessa spekinga, Ágúst, Pétur, Aðalstein og blaðamanninn.